Коутиньо яна операция қилинди. У бу мавсум бошқа ўйнолмаслиги мумкин
Унинг "Камп Ноу"даги ишлари юришмаяпти.
"Барселона" клуби ўзининг расмий сайтида жамоа ярим ҳимоячиси Филиппе Коутиньо чап тиззасидан муваффақиятли операция қилинганини маълум қилди.
Ҳозирча, 28 ёшли бразилиялик футболчининг қачон сафга қайтиши аниқ эмас. Шифокорлар унинг жорий мавсум бошқа майдонга туша олмаслигини тахмин қилмоқда.
Коутиньо "кўк анор ранглилар" сафида 2020 йилнинг декабридан буён ўйнамаяпти. У жорий мавсум 15 та ўйинда майдонга тушиб, ўз ҳисобига 3 та гол ёздириб қўйишга эришди.
“Барселона” Коутиньони 2018 йилнинг январида 106 млн фунтга “Ливерпуль”дан сотиб олган эди. Аммо у жамоага кутилганидек мослашиб кета олмади ва каталонияликлар ўтган мавсум уни “Бавария”га ижарага бериб юборди. Филиппенинг “Барса” билан амалдаги шартномаси 2023 йилга қадар имзоланган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар