Коутиньонинг қачон сафга қайтиши маълум бўлди

"Барселона" клуби ярим ҳимоячиси Филиппе Коутиньо кеча Ла Лиганинг 37-туридан ўрин олган "Хетафе"га (2:0) қарши ўйинда жароҳат олди.

Ўтказилган тиббий текширувлар натижасида маълум бўлдики, бразилиялик футболчининг чап оёқ сон мушаклари шикастланган. Шифокорлар эса унинг соғайиши учун тахминан 10 кун талаб этилишини айтишмоқда.

Юқоридаги маълумотлардан келиб чиқадиган бўлсак, Коутиньо 25 май куни “Валенсия”га қарши бўлиб ўтадиган Испания кубоги финалида иштирок эта олади.