Кроос: Афсонавий давр. Биз тарих яратдик, ошна

"Реал" Мадрид футболчиси Тони Кроос жамоадоши Каземиронинг клубдан кетишига ўз муносабатини билдириб ўтди. 

"Каземиро бўлган жойда дам олиш деярли имконсиз. У ҳамма жойда машқ қилиш керак, деб ҳисоблайди. Ҳатто ҳаммомда ҳам у велосипед ва штангаларни кўришингиз мумкин. 

Ҳа, мен соғиниб қоламан. Казе, сен футболчи сифатида ҳаммага намуна бўла оласан. Шунингдек, ажойиб инсон сифатида ҳам. 

Афсонавий давр. Биз тарих яратдик, ошна. Энди йўлларимиз ажралди, қачондир шундай бўлиши керак эди. Аммо дўстлигимиз абадий бўлиб қолади. 

Сенга энг яхши тилакларимни тилайман. Тез орада кўришгунча, "аскар"!", - деди германиялик ярим ҳимоячи.