Кроос: Умид қиламанки, Роналду Манчестерда қолмайди ва Испанияга қайтиб келади

"Реал" ярим ҳимоячиси Тони Кроос “Kicker” нашрига берган интервьюсида собиқ жамоадоши, "Манчестер Юнайтед" ҳужумчиси Криштиану Роналду ҳақида гапирди.

- Кроос, сиз Криштиануни дунёдаги энг яхши футболчи, деб биласизми?

- Бу ҳақида гапириш доим қийин бўлган. Ҳар бир даврда кўплаб ютуқларга эришган футболчилар бор.

Роналду тарихдаги энг яхши футболчилардан бири эканлигига шубҳа йўқ. Месси ҳам бундан мустасно эмас. Ким энг зўр эканлигини айта олмайман, чунки уларнинг майдондаги ҳаракатларини солиштиришга ожизман.

- Роналду “Реал”дан кетганидан кейин у билан гаплашиб турасизми?

- Тасодифан бўлиб туради. Биз таътилда икки марта учрашиб қолдик, лекин бу режалаштирилмаган эди. Криштиану Мадриддаги уйини сотмаган. У ҳамон менинг қўшним бўлади. Баъзида Роналду оиласи билан бу ерга келиб туради. Умид қиламанки, у фаолиятини якунлаганидан кейин Манчестерда қолмайди ва Испанияга қайтиб келади. Шунда биз тез-тез учрашиб туришимиз мумкин.