Кубарси: "Жаҳон чемпионати финалида Мессига қарши ўйнаш орзуим бўларди"

Испания терма жамоаси ва "Барселона" ҳимоячиси Пау Кубарси Жаҳон чемпионати финалида Лионель Мессига қарши майдонга тушишни орзу қилишини айтди.

Аргентина терма жамоаси ҳужумчиси ўз вақтида "Барселона" шарафини ҳимоя қилган ва Кубарси учун болалик қаҳрамонларидан бири ҳисобланади.

"Мессига қарши Жаҳон чемпионати финалида ўйнаш орзу бўларди. Аввало, бу мен финалда иштирок этаётганимни англатади. Бу эса чемпионлик учун курашиш имконияти демакдир.

Агар рақиб Месси бўлса, бу болалик орзуларимнинг рўёбига айланарди", — деди Кубарси.

Ҳимоячи аргентиналик юлдузни ўзининг кумири деб атади.

"Ҳа, албатта. Бутун оилам “Барселона” мухлиси бўлган. Мен кичиклигимдан Месси бизнинг кумиримиз ва намунамиз эди. У билан шахсан танишишни жуда истайман", — деди испаниялик футболчи.

Кубарсидан Мессига қарши ўйнаган тақдирда Испаниянинг ғалаба қозониш имконияти ҳақида ҳам сўралди.

"Бу биз кўзлаётган аниқ мақсад. Биз шу йўлда ҳаракат қиляпмиз", — дея жавоб берди "Барселона" ҳимоячиси.