Куман: Месси? Мен ҳар доим бир нарса ҳақида гапиришни хоҳламайман

"Барселона" бош мураббийи Рональд Куман Ла Лиганинг 2-туридан ўрин олган "Атлетик" клубига қарши (1:1) ўйиндан кейин Месси ҳақида берилган саволга жавоб бериб ўтди.

"Мен ҳар доим бир нарса ҳақида гапиришни хоҳламайман, бироқ гап жаҳоннинг энг яхши футболчиси ҳақида кетяпти. Месси бу ерда эканлигида, рақиблар биздан кўпроқ қўрқарди. 

Биз учун ҳам фарқи бор, Леога тўпни узатсангиз, у йўқотмас эди. Аммо Месси энди йўқ. Биз буни биламиз ва шунга кўникишимиз керак", - деди Куман. 

Эслатиб ўтамиз, аргентиналик ҳужумчи ёзги трансфер вақтида ПСЖга эркин агент мақомида кўчиб ўтганди.