Кутилмаганда Дьёкерешни Испаниянинг Мадрид клуби илиб кетмоқчи!

Диего Симеоне бошчилигидаги "Атлетико Мадрид" Виктор Дьёкереш билан қизиқмоқда. 
 
"ElDesmarque" нашрининг хабар беришича, Мадрид клуби ёзги трансфер ойнасида икки марказий ва битта чап қанот ҳимоячиси, шунингдек, икки ярим ҳимоячи ҳамда бир ёки икки ҳужумчи изламоқда – бу жамоани ким тарк этишига боғлиқ бўлади. 
 
Шу сабабли, "Атлетико" "Бенфика" футболчиси Фернандес Каррерас ҳамда "Спортинг" ҳужумчиси Виктор Дьёкереш трансферини кўриб чиқмоқда. Клуб швециялик ҳужумчини қўлга киритиш қийин бўлишини ҳис қилмоқда. Бироқ, бу имконсиз эмаслигини билади. Манбага кўра, мадридликлар аллақачон футболчи бўйича бир неча сўров юборган. 
 
Швецариялик форвардга "матрасчилар"дан ташқари, Англия Премьер-лигасининг топ клублари ҳам бир неча ойдан буён жиддий қизиқиш билдирмоқда. 
 
Маълумот ўрнида, 26 ёшли ҳужумчи жорий мавсум 41 та учрашувда майдонга тушиб, 40 та гол ва 10 та голли узатмага муаллифлик қилган.