Ла Лига. Левандовскининг дубли "Барселона"га йирик ғалаба тақдим этди

Испания Ла Лигаси 3-тури доирасидаги "Барселона" - "Вальядолид" баҳси якунига етди. Қизиқарли ва голларга бой ўтган учрашувда майдон эгалари йирик ҳисобда ғалаба қозонди - 4:0. 

Каталонияликларнинг польшалик ҳужумчиси Роберт Левандовски дубль муаллифига айланган бўлса, Педри ва Серхи Роберто бир мартадан ўз ҳисобига гол ёздириб қўйди. 

Шу тариқа, Хави шогирдлари 3-турдан кейин 7 очко билан турнир жадвалида 2-ўринда бормоқда, "Вальядолид" эса 1 очко билан аутсайдерлар қаторидан жой олган.