Ла Лига. Марказий ўйинда "Севилья" "Реал Сосьедад" устидан иродали ғалабани қўлга киритди

Ҳозиргина, Испания Ла Лигасининг 18-туридан ўрин олган “Севилья” ҳамда “Реал Сосьедад” баҳси ўз якунига етди.

“Хуан Санчес Писхуан” стадионида кечган беллашув голларга бой кечди. Якунда мезбонлар 3:2 ҳисобида ғалаба қозонди. Эътиборлиси, андалусияликларнинг учала голини ҳам Юссеф Эн-Несири (4', 7', 46') киритди.

Ушбу ўйиндан сўнг, “Севилья” ўз ҳисобидаги очколар сонини 30 тага етказиб олди ва турнир жадвалида 5-ўринда бораётган “Реал Сосьедад”га етиб олди.