Ла Лига. "Севилья" - "Реал": Матнли трансляция

Ассалому алайкум, муҳтарам футбол ихлосмандлари. Испания Ла Лигаси 12-туридан ўрин олган "Севилья" - "Реал" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+3'

  Қанотдан узатилган тўпни Куртуа ушлаб олди.

• 90+2'

  Бенземанинг жарима майдони ичидан йўллаган зарбасига аниқлик етишмади.

• 90'
  

  Асосий вақтга 3 дақиқа қўшиб берилди.

• 89'
  

  Навасни чалиб йиқитган Винисиус сариқ карточкага лойиқ кўрилди.

• 88'

  Фернандо рақиб жарима майдони ичида йиқилиб тушди. Ҳакам ўйинни давом эттиришга рухсат берди.

• 86'
  

  Окампоснинг навбатдаги хавфли зарбаси дарозагача етиб борди. Куртуа ўз ўрнида!

• 85'

  Окампос ноқулай позициядан зарба берди. Тўп Мендидан майдон ташқарисига чиқиб кетди.

• 83'

  "Севилья" катта иштиёқ билан олдинга ўтмоқда. Мадридликлар ҳимояси катта қийинчилик билан хавфни бартараф этяпти.

• 81'
  

  Диего Карлос майдонни тарк этди. Унинг ўрнига Уссама Идрисси ўйинга қўшилди.

• 80'

  Икки рақибидан ўтган Сусо зарба берди. Тўп тўсин юқорисидан ўтиб кетди.

• 78'

  Васкеснинг марказга узатган тўпи шерикларигача етиб бормади.

• 76'
  

  Кроосга нисбатан ишлатилган қўполлик учун Гудель огоҳлантирилди.

• 75'

  Гуделнинг зарбаси жуда хавфли чиқди. Бироқ зарба бироз ноаниқ эди.

• 74'

  Жарима майдони яқинида Каземиро Окампосни йиқитди. "Севилья"да жуда яхши стандарт юзага келди.

• 72'

  Мадридликлар ҳимояча ишончли ҳаракат қилмоқда. Рақибга дарвозага зарба йўллаш имконияти берилмаяпти.

• 69'

  Тўп назорати ҳамон Лопетеги шогирдларида.

• 67'
  

  Родриго ўрнига Асенсио майдонга тушди.

• 66'

  Сусонинг жарима майдони ташқарисидан берган зарбаси ноаниқ кетди.

• 64'
  

  Морено, де Йонг ва Ракитич захирага олинди. Улар ўрнига Гудель, Сусо ҳамда Эн-Несери ўйинга қўшилди.

• 63'

  Стандартдан Кроос тўп оширди. Тўпга зарба берган Начонинг уриниши ноаниқ кетди.

• 61'

  Ракитичнинг яқин масофадан йўллаган зарбаси ҳимоячидан қайтди.

• 60'
  

  Фернандога нисбатан қўполлик ишлатган Модрич огоҳлантирилди.

• 58'

  Ҳисобда ортда қолишни бошлаган мезбонлар тўпни назорат қиляпти.

• 56'
  

  ГООООООООООЛЛЛЛЛЛЛ! "Реал" ҳисобни очди!

  Мендининг марказга узатан тўпини Жуниор дарвозага тўғирлаб юборди. Буну тўпга чиқишда хатога йўқ қўйди. Тўп Бунуга тегиб, дарвозада жой олди.

• 52'
  

  Люк де Йонгнинг чалқанча услубда йўллаган зарбасини Куртуа ушлаб олди.

• 50'

  Фаоллик андалусияликлар томонда. Улар кўпроқ ҳужумга ўтмоқда.

• 48'

  Иккинчи 45 дақиқаликни майдон эгалари тўп назорати билан бошлади.

• 46'
  

  Иккинчи тайм бошланди!

• 46'
  

  Бўлимлар оралиғида "Севилья" сафида ўзгариш: Мунир ўрнига Оливер Торрес ўйинга қўшилди.

• 46'

  Футболчилар майдонга қайтмоқда. Биз ҳам қайтамиз!

• 45+2'
  

  Танаффус!

• 45+1'
  

  Мунир югуруётиб оёқ пайларини чўзиб олди.

• 45'
  

  Биринчи бўлимга 1 дақиқа қўшиб берилди.

• 44'
  

  Лукас Окампосга нисбатан қоида бузган Кроос огоҳлантирилди.

• 42'
  

  Андалусияликлар бурчак зарбасидан наф чиқара олмади.

• 40'

  Тўп назорати тез-тез алмашяпти. Ҳар икки жамоа футболчилари ҳам прессинг уюштириб, рақибни тўпсизлантирмоқда.

• 38'
  

  Бенземанинг узоқ бурчакка берган зарбасини Буну қайтарди.

• 36'

  Хесус Навас ҳужумда қоида бузди. Тўп мадридликларга қайтарилади.

• 34'

  Родриго чуқур прессинг уюштириб, дарвозабонга муаммо туғдирди. Бироқ Буну хатога йўл қўймади.

• 32'

  "Севилья" яхши стандарт вазиятга эга бўлди. Бироқ футболчилар ундан унумли фойдала олмади.

• 30'

  Ўйин, асосан, майдон марказида кечмоқда. Жамоалар эҳтиёткорлик билан ҳаракат қиляпти.

• 27'
  

  Меҳмонлар навбатдаги бурчак тўпидан наф чиқара олмади.

• 25'

  Бензема жарима майдонида шеригига пас берди. Бироқ ҳимоячи уни бутунлай зарарсизлантира олди.

• 23'

  Ҳар икки жамоа аъзолари ҳам ҳужумларга сўнгги нуқта қўйишда хатога йўқ қўймоқда.

• 21'

  Крооснинг жарима майдони ташқарисидан берган зарбасига бироз аниқлик етишмади.

• 20'

  Жарима майдонида кириб бораётган Васкес томон узатилган тўпни ҳимоячилар қайтариб қолди.

• 18'

  Ўйин кескин курашларга бой ўтмоқда. Футболчилар бир-бирини аямаяпти.

• 16'

  Жарима майдонига оширилган тўпни меҳмонлар дарвозага йўллай олмади.

• 15'

  "Реал" бурчак яқинида стандартга эга бўлди. Уни Кроос амалга оширади.

• 13'

  Кроос Окампоснинг оёғини босиб олди.

• 11'

  Жуниор тезкор қарши ҳужумга ўтди. Бироқ тўпни ўзидан узоқлаштириб юборганлиги туфайли ҳимоячи уни тўхтатди.

• 9'

  Васкес ҳимояда хатога йўл қўйди. Унинг Мендига узатмаси жуда кучли чиқди.

• 8'

  Навас марказга тўп оширди. Бироқ шериклари уни дарвозага тўғирлаб юбора олмади.

• 5'

  Винисиус дарвозабонга босим уюштириб, уни хато қилишга мажбур қилди. Бироқ Бензема бўш қолган дарвозага зарба бера олмади.

• 5'

  Каземиронинг узоқ масофадан йўллаган зарбасига аниқлик етишмади.

• 3'

  "Қаймоқранглилар" ўйинни фаоллик билан бошлади. Тўп назорати Зидан шогирдларида.

• 1'

  Илк дақиқада олдинга ўтган мадридликлар хавфли ҳужум уюштирди: Жуниорнинг ўткир бурчакдан йўллаган зарбасига бироз аниқлиқ етишмади.

• 1'
  

  Ўйин бошланди!

• 0'

  Футболчилар майдонга тушиб келмоқда. Ўйин бир неча дақиқалар ичида бошланади!