Ла Лигада қўшҳокимлик: "Атлетико" автогол эвазига "Валенсия"ни мағлуб этиб, чемпионат карвонбошисига етиб олди

Испания чемпионати 11-тури марказий учрашувида "Атлетико" "Валенсия" билан баҳс олиб борди ва қийинчилик билан ғалаба қозонди.

Учрашув мадридликларнинг устунлигида ўтди. Иккинчи таймнинг 79-дақиқасида Антонио Латорре қанотдан узатилган узатмадан сўнг, тўпни ўз дарвозасига тўғрилаб қўйди. Ушбу гол ўйин тақдирини ҳал қилди.

Шу тариқа 9 ўйинда 23 очко тўплаган "матрасчилар" турнир жадвали етакчиси "Реал Сосьедад"га етиб олди. "Кўршапалаклар" эса 11 ўйинда 12 очко билан 10-поғонада қолди.

Ушбу учрашув сайтимиз орқали матнли трансляция қилинди.