Ламин Ямал Килиан Мбаппенинг рекордини янгилашга муваффақ бўлди!

"Барселона" вингери Ламин Ямал Чемпионлар лигаси умумий босқичининг 6-турида "Айнтрахт"га қарши ўйинда Жюль Кундега голли пас берди.

Бу Ямалнинг мусобақадаги 28-ўйини бўлди. Энди у 18 ёшгача бўлган футболчилар орасида Чемпионлар лигасида 7 та гол ва 7 та ассист қайд этган ягона футболчи саналади. Шу билан бирга, испаниялик ёш истеъдод эгаси "Реал" форварди Килиан Мбаппенинг рекордини янгилади.

Шунингдек, Ламин учрашувнинг иккинчи бўлимида сариқ карточка олди. Бу унинг жорий мавсумдаги учинчи огоҳлантириши, шу боис у 21 январь куни "Славия"га қарши сафар учрашувини ўтказиб юборишига тўғри келади.