Ланс яқинидаги майдонда юз берган фожиада мураббий ҳалок бўлди

Франциянинг Ланс шаҳридан 10 километр узоқликда жойлашган “Габриэль-Пери” стадионида кутилмаганда фожиа юз берди.

La Voix du Nord нашрининг маълум қилишича, футбол машғулоти вақтида чақмоқ уриши оқибатида 33 ёшли мураббий вафот этган.

Яна 25 ва 44 ёшли икки киши оғир аҳволда шифохонада ётибди. Шифокорлар уларнинг ҳаёти учун курашмоқда.

Умуман олганда, чақмоч чақнаган вақтда майдонда 33 киши бўлган. Улардан яна тўрт нафари енгил даражада куйиш жароҳатини олган. Жабрланувчиларга тиббий ва психологик ёрдам кўрсатилди.