Лапорта: "Барча мусобақаларда чемпионлик учун курашамиз"

"Барселона" президенти лавозимини эгаллаб турган Жоан Лапорта жамоанинг янги мавсумдаги мақсадлари ҳақида ўз фикрини билдирди.

- Биз ўйинчиларимиздан жуда мамнунмиз ва Флик бажараётган ажойиб иш учун ундан миннатдормиз. Барча мусобақаларда ғолибликка даъвогар эканлигимизга ишонамиз, - деди Лапорта.

Эслатиб ўтамиз, ўтган мавсумда "Барселона" Испания чемпионатини, мамлакат кубоги ва суперкубогини қўлга киритган эди. Бироқ клуб Чемпионлар лигасида ғалаба қозона олмади. Бундан ташқари, "кўк-анорранглилар" сўнгги ўн йил давомида Европанинг энг нуфузли совринини қўлга кирита олмаяпти.