Лапорта: Роналдунинг агенти билан алоқадамиз

“Барселона” президенти Жоан Лапорта Криштиану Роналдунинг агентлари португалиялик тўпурарни Каталония суперклубига жойламоқчи бўлаётгани ҳақидаги хабарларга муносабат билдирди.

Роналдуни бизга таклиф қилишаётгани ростми? Бунақа вазиятлар ёзги трансферлар ойнаси даврида оддий ҳол. Ҳақиқат шуки, биз Левандовскига харидор эдик. Роналдунинг агенти Жорже Мендеш билан дўстона алоқамиз бор.

Лекин бу мавсум биз бор эътиборимизни Левандовски трансферига қаратдик. “Бавария” билан музокараларимиз ҳақиқий катта иш бўлди. Сиз сўраётган қолган нарсалар футбол ичидаги кичкина нарсалар ҳисобланади.

Роналду катта профессионал ва ҳамон юқори формада. Унинг олидида жуда кўп вариантлар борлигига аминман, лекин у ҳозир “Манчестер Юнайтед” ўйинчиси. Мен бу клубни ҳурмат қиламан.

Роналдунинг келажаги менга тьегишли эмас, бу футболчи ва “Юнайтед” ўртасидаги масала, - деди Жоан Лапорта.