Laporta: "Yamal mashhurlikni boshqarishni biladi"

"Barselona" prezidenti Joan Laporta yosh iqtidor egasi Lamin Yamal haqida fikr bildirdi.

"Uni qo‘llab-quvvatlash, unga to‘g‘ri maslahatlar berish kerak. Ammo u boshqalarga nisbatan ancha etuk, chunki u allaqachon ko‘p narsani boshidan kechirgan.

Shon-shuhrat uni chalg‘itishi mumkin, ammo u buni juda yaxshi boshqara olyapti", — dedi Laporta "El Chiringuito" nashriga bergan intervyusida.

Ma’lumot o‘rnida, hozirgi kunda Lamin jarohati sabab Ispaniya terma jamoasiga FIFA kunlarida yordam bera olmayapti. Uning bir necha haftadan so‘ng safga qaytishi kutilmoqda.