Лаутаро Мартинес: Месси аргентиналиклар учун худди Марадонадек

“Интер” форварди Лаутаро Мартинес “Барселона” ҳужумчиси Лионель Месси билан бир клубда ўйнаш унинг учун фахр эканини айтди. Бироқ, у бунинг учун каталонияликлар сафига ўтиш ҳақида ўйламаяпти.

“Биз аргентиналиклар учун Месси худди Марадонадек аҳамият касб этади. Лионель – дунёнинг энг зўри. У билан бирга ўйнашга жудаям ошиқман. Мессига жаҳон чемпионлигини қўлга киритишга ёрдам берсам зўр бўларди.

Менга гранд клубларининг қизиқаётганидан хурсандман. Бу менинг ўз устимда яхши ишлаётганим ва ривожланаётганимдан далолатдир. Аммо, “Интер” – менинг уйим”, - дейди аргентиналик футболчи.