Лаутаро Мартинес тез орада "Интер" билан муҳим масалани ҳал қилиб олади

“Интер” ҳужумчиси Лаутаро Мартинес жамоа билан шу ой охиригача амалдаги шартномасини узайтиради. Бу ҳақда Tuttosport нашри хабар тарқатмоқда.

Юқоридаги манбага кўра, аргентиналик футболчининг “нерадзуррилар” билан янги шартномаси 2024 йилга қадар имзоланади. Унинг йиллик маоши эса 2,5 млн евродан 4,5 млн еврога кўтарилади. Бундан ташқари, шартномада эришиш жуда ҳам осон бўлган бир қатор бонуслар ҳам келтирилган. Шу билан бирга, янги келишувда товон пули белгиланмаган.

Мартинес амалдаги шартномаси 2023 йилга қадар имзоланган ва товон пули 111 млн еврони ташкил этади. Лаутаро жорий мавсум “Интер” сафида жами 32 та ўйинда майдонга тушди ва 13 та гол урди.