Legionerlar katta maosh olib, zaxira o‘rindig‘ida o‘tiribdi!

Angliya futbolining yorqin namoyandasi Alan Shirer klublarga kelayotgan legionerlarning aksariyati talabga javob bermasligini ochiq aytdi.

- Angliya premer-ligasida legionerlarga cheklov yo‘q. Autsayder jamoalar xorijlik futbolchilarni taklif qilishda ko‘p xatoga yo‘l qo‘ymoqda. Ular o‘z tarbiyalanuvchilaridan ko‘ra, chet elliklarni katta pulga olib keladi. Ko‘pincha, ular zaxiraga o‘tirib qoladi va o‘ynamay yuqori maosh olaveradi.

Katta klublar esa, transfer qilinayotgan yosh legionerlar premer-ligadagi kurashga tayyor emasligini inobatga olmaydi. Misol uchun, Timo Verner va Kristian Pulishichda shunday bo‘ldi. “Chelsi” muxlislari ularga katta ishonch bildirgandi. Bunaqa misollar juda ko‘p. “Manchester Yunayted” va “Arsenal”ni ham ko‘rsatish mumkin.

Menga “Vest Xem”, “Manchester Siti” va “Liverpul”ning usuli yoqadi. Ular olinadigan futbolchini sinchiklab o‘rganadi, ma’lumot to‘playdi, legionerlarning nafaqat klubga, balki chempionatga moslashishini ham inobatga oladi, - dedi Alan Shirer.