Лэмпард: Фақат натижадан қониқдим

"Челси" бош мураббийи Фрэнк Лэмпард Англия кубоги 1/4 финал босқичи доирасида "Лестер" устидан қозонилган ғалаба ҳақида изоҳ берди.

"Бугун одатий ўйинимизни намойиш эта олмадик, бироқ натижадан қониқдим, мен учун ярим финал йўлланмасининг ўзи етарли.

Хатоларимиздан хулоса чиқарамиз. Гоҳида ўйин ўхшамай турганда, ғалаба қозониш учун қатъият кўрсатиш керак бўлади.

Навбатдаги босқич йўлланмасини қўлга киритдик, энди эса эътиборимизни чемпионат баҳсларига қаратишимиз ва Чемпионлар лигасига чиқиш ишларини ҳал қилишимиз керак", - дейди Лэмпард.