"Лестер"ни чемпион қилган Раньери яна АПЛга қайтиши мумкин

“Уотфорд” клуби раҳбарияти бош мураббий Хиско Муньосни истеъфога чиқаргач, унинг ўрнига муносиб номзод қидиришни бошлади.

Журналист Фабрицио Романонинг хабар беришича, АПЛ клуби Клаудио Раньери билан алоқага чиққан. Томонлар ҳозирда музокаралар олиб боришмоқда. “Уотфорд” янги бош мураббий номзодини яқин орада эълон қилмоқчи.

“Уотфорд” ортда қолган 7 та турдан сўнг АПЛ мусобақа жадвалида 7 очко билан 14-ўринда бормоқда.

Раньерининг сўнгги иш жойи “Сампдория” клуби бўлган эди. У ушбу жамоани ўтган ёз тарк этди.