Левандовски, ўрнингга сендан зўр тўпурар келади

“Барселона” мутасаддилари спорт директори Деку бошчилигида жамоа тўпурари Роберт Левандовски ўрнини боса оладиган ҳужумчи қидирмоқда.

Transfer News Live ва El Nacional каби нуфузли манбаларнинг маълум қилишича, каталонияликларга “Бавария”да ўйнаётган англиялик тўпурар Ҳарри Кейн номзоди маъқул келган.

Деку 32 ёшли Кейнни Роберт Левандовскига идеал ўринбосар сифатида кўрмоқда. 37 ёшли польшалик ўйинчининг “Барселона” билан амалдаги шартномаси 2026 йилнинг 30 июнида тугайди. Томонлар ўзаро келишган ҳолда ҳамкорликни яна бир йилга узайтириши мумкин.

Ҳарри Кейннинг Мюнхен суперклубидаги меҳнат шартномаси 2027 йилнинг ярмигача тузилган. Шу боис, уни келаси ёз арзонлаштирилган нархда трансфер қилиш имкони бор.

Айни пайтда  Transfermarkt портали экспертлари тўпурарлик маҳоратини намойиш қилиб келаётган Ҳарри Кейнни 75 миллион еврога баҳолаяпти.