Левандовски ҳаммадан зўр. Роналду ҳам, Месси ҳам ундан анча ортда қолиб кетди

"Бавария" форварди Роберт Левандовски кеча Бундеслиганинг 29-туридан ўрин олган "Фортуна"га (5:0) қарши баҳсда дубль қайд этди.

Opta статистик портали тарқатган хабарга кўра, 31 ёшли польшалик футболчи шу тариқа Бундеслигада урган голлари сонини 29 тага етказиб олди ва Европанинг кучли бешлик чемпионатлари тўпурарлар пойгасида 1-ўринга кўтарилди.

Левандовскидан кейинги ўринларни Чиро Иммобиле (27 гол), Тимо Вернер (24), Криштиану Роналду (21), Жейми Варди (19) ва Лионель Месси (19) эгаллаб турибди.

Эслатиб ўтамиз, А Серия, Ла Лига ва АПЛ июнь ойида тикланади.