Левандовски: Менга Саудия Арабистони қизиқ эмас, чунки...

Польшалик ҳужумчи Роберт Левандовски "Барселона"да бахтли экани ва яқин орада жамоасини ўзгартирмоқчи эмаслигини айтди.

“Бир нарсага аллақачон ишончим комил - фаолиятимни шу ерда, “Барселона”да якунламоқчиман. Менга Саудия Арабистони қизиқ эмас, ўзимни бу ерда, бу жамоада, оилам билан бу шаҳарда ажойиб ҳис қиляпман. Биз ҳозир ҳаракатдамиз”, - деди Левандовски ITASportPress ахборот агентлигига берган интервьюсида.

Левандовски бундан аввал “Боруссия” Дортмунд ва “Бавария” клубларида тўп сурган. У “кўк-анорранглилар” сафига ўтган йилнинг ёзида эркин агент сифатида кўчиб ўтган эди.