Левандовски Мессининг рекордини “синдирди”

“Барселона” ҳужумчиси Роберт Левандовски Чемпионлар лигаси 1/8 финали жавоб ўйинида “Ньюкасл” дарвозасига (7:2)  гол урди.

Шу тариқа польшалик ҳужумчи УЕФА Чемпионлар лигасида жами 41 та клуб дарвозасини ишғол қилиб, бу кўрсаткич бўйича турнир рекордини янгилади.

Аввалги рекордчи саккиз карра “Олтин тўп” соҳиби Лионель Месси бўлиб, у Европада ўйнаб юрган кезлари энг нуфузли мусобақа доирасида 40 та жамоа дарвозасини ишғол қилган эди.

Левандовски Европа Чемпионлар лигаси учрашувларида Англиянинг «Арсенал», «Манчестер Сити», «Тоттенхэм», «Челси», «Ньюкасл», Испаниянинг «Реал», «Барселона», «Малага», «Атлетико», «Вильярреал», Италиянинг  «Интер», «Ювентус», «Рома», «Лацио», «Наполи», Франциянинг «Марсель», «ПСЖ», «Лион», «Брест», Германиянинг «Бавария», «Боруссия Дортмунд», Португалиянинг «Порту», «Бенфика», Россиянинг «Зенит», «Ростов», Нидерландиянинг «Аякс», ПСВ,  Украинанинг «Шахтёр»,  «Динамо Киев», Грециянинг «Олимпиакос» ва АЕК, Бельгиянинг «Андерлехт», «Антверпен», Словакиянинг «Славия», «Виктория Пльзень», Хорватиянинг  «Динамо Загреб», Сербиянинг «Црвена Звезда», Австриянинг «Ред Булл Зальцбург», Швейцариянинг  «Янг Бойз», Даниянинг «Копенгаген» ва Туркиянинг «Бешикташ» жамоалари дарвозасига гол урган.

37 ёшли форвард жами Чемпионлар лигасида 142 та ўйинда қатнашиб, рақиблар дарвозасини 109 маротаба ишғол қилган.