Левандовски полицияга нега мурожаат қилди?

“Бавария” тўпурари Роберт Левандовскининг собиқ агенти Цезарий Кухарски Польшада ҳибсга олинди.

Варшава прокуратураси хабарига қараганда, Левандовски бу ишда жабрланувчи ҳисобланади. Чунки, собиқ агент товламачилик йўли билан футболчининг 20 миллион евро миқдордаги маблағини ўзлаштириб олган. Полиция Кухарскининг уйини тинтув қилди.

Собиқ агент футболчи тўғрисидаги шахсий маълумотларни ошкор қилмаслиги учун пул талаб қилганидан кейин Левандовски ҳуқуқ тартибот органларига мурожаат қилган. Кухарски Левандовски ва унинг рафиқасини RL Management компаниясининг катта миқдордаги маблағини шахсий манфаатлари йўлида ишлатиб юборганликда айблаган.

Кузарски 2008-2018 йиллар давомида Левандовскининг агенти бўлиб ишлаган ва футболчининг “Боруссия” билан шартнома имзолашида асосий ишни бажарган эди.

Фикрлар

Фикр қолдириш учун авторизациядан ўтинг!