Левандовски: Холанддан қўрқаним йўқ, улар мени алдашди!

“Барселона”га кўчиб ўтган Роберт Левандовски нега “Бавария”ни тарк этганига изоҳ берди.

- “Бавария”дан кетишим, мюнхенликларнинг Холандга қизиққани билан боғлиқлигини сўрашяпти. Йўқ, бундай эмас. Эрлинг борасида ҳеч қандай муаммо йўқ. Агар у “Бавария”га келганида ҳам бундан бирор муаммо чиқмасди.

Клубда айрим одамлар мендан ҳақиқатни яшириб, бошқа нарсаларни гапирди. Мен учун ростгўйлик ва очиқлик муҳим. Лекин бу нарса бошқаларга муаммо экан.

Мен “Барселона”га кўчиб ўтиш вақти келганини ҳис қилдим. Клуб турли-туман бўҳтон ва ёлғонларни келтирди. Ҳатто шундай вазиятда ҳам клуб фанатлари мени қўллаб-қувватлаб турди, - деди Роберт Левандовски.

Левандовски фаолияти давомида клублар миқёсида 676 учрашувда қатнашиб, рақиблар дарвозасини 509 марта ишғол қилган ва жамоадашларига 135 та голли пас узатган. Шунингдек, тажрибали ҳужумчи Польша терма жамоаси сафида 132 марта майдонга тушиб, ўз ҳисобига 76 та гол ёздириб қўйган.