Левандовскидан зўрини топдик

Роберт Левандовски “Барселона”га ўтиб кетганидан кейин “Бавария” тўпурар ҳужумчи борасида жиддий муаммоларга дуч келди. Айни пайтда клуб мутасаддилари кўп тўп кирита оладиган ҳужумчи қидирмоқда.

Ҳозирча, франциялик Маркус Тюрам мюнхенликларга маъқул келиб турибди. 25 ёшли ҳужумчи Мёнхенгладбахнинг “Боруссия” жамоасида сермаҳсул ўйин кўрсатмоқда.

Маълумотларга қараганла, “Бавария” раҳбарияти бу футболчи трансфери бўйича “Боруссия”га таклиф тайёрлаяпти.

Тюрам жорий мавсумда 13 та учрашувда рақиблар дарвозасини 11 маротаба ишғол қилди. Унинг амалдаги шартномаси мавсум охирида якунланиши “Бавария”нинг фойдасига ишлаши таъкидланмоқда.