Левандовскининг агенти кимларга ишонмоқда?

Польша терма жамоаси ва "Бавария" клуби ҳужумчиси Роберт Левандовскининг келажаги ноаниқлигича қолмоқда. Футболчи Германия чемпионатини Ла Лига ёки Лига 1 га алмаштириши мумкин.

Bild нашри хабарига кўра, мюнхенликлар шу ой ҳужумчининг агенти Пини Захави билан учрашмоқчи. Унда Левандовскининг янги шартномаси бўйича музокараларнинг навбатдаги босқичини ўтказилади.

Манбанинг хабарига кўра, томонлар янги келишув бўйича келиша олмаса, футболчининг агенти мижозининг бошқа клубга ўтиши учун трансфер нархи белгиланишини талаб қилади.

Қайд этилишича, «Бавария» уни камида 40 миллион еврога сотишни кўзламоқда. Хабар қилинишича, футболчининг агенти "Барселона" ҳам, ПСЖ ҳам Левандовски учун бу суммани тўлашга тайёр эканига ишонмоқда.