“Лейпциг”: Вернер кетади, ўрнига ундан зўри бор

Асосий тўпурари Тимо Вернерни Англия чемпионатига трансфер қилишга яқин турган “Лейпциг" унинг ўрнига янги футболчи топди.

Маълумотларга қараганда, Вернернинг жамоадаги ўрнини “Вердер”нинг 23 ёшли ҳужумчиси Милот Рашиц эгаллайди. 23 ёшли футболчининг шартномасида агар “Вердер” Бундеслигаги жойини сақлаб қолса, Рашицнинг трансфер суммаси 38 миллион евро бўлиши, агар жамоа қуйи лигага тушиб кетса, ҳужумчининг нархи 15 миллион еврога баҳоланиши белгилаб қўйилган.

Қайта тикланган Бундеслига жадвалида “Вердер” хавфли зонада бормоқда ва мавсум якунига кўра қуйи лигага тушиб кетиши мумкин. Гарчи жамоа яхши ўйин кўрсатмаётган бўлса-да, Рашиц 29 та ўйинда 10 та гол уриб, 6 та голли пас беришга эришди.