Лига 1: Мбаппе кетса, ҳаммаси расво бўлади
Франция профессионал лигаси раҳбарияти машғур ҳужумчи Килиан Мбаппенинг ПСЖдан кетиб қолиши мумкинлигидан хавотирда.
Мутасаддилари Мбаппенинг кетиши ҳақидаги хабар лиганинг телевизион ҳуқуқлар бўйича янги шартномасига салбий таъсир кўрсатиши мумкин, деб ҳисобламоқда.
Айни пайтда Франция профессионал лигаси бир неча операторлар билан Лига 1 ўйинлари кейинги беш йиллик телетрансляцияси бўйича музокара олиб боряпти. Мбаппенинг кетиши ҳақидаги гап-сўзлар чиқиши оқибатида телеоператорлар лига раҳбариятининг 1 миллиард евролик талабини рад этди.
Агар Лига 1нинг асосий юлдузи Мбаппенинг кетиши аниқ бўлса, телеоператорлар билан янги шартномаларни тузиш жараёни янада қийинлашади.
Қолаверса, Лионель Месси, Серхио Рамос ва Неймар каби машҳур футболчиларнинг Францияни тарк этгани ҳам телеоператорлар билан келишиш жараёнларига салбий таъсир кўрсатгани айтилмоқда.
Фикрлар