"Ливерпуль" африкалик футболчи учун юз миллионга яқин бадал тўлайди

«Брайтон» жамоасида тўп сураётган ёш вингер Янкуба Минте яқин вақтлар ичида энг кучли клублардан бирига йўл олиши мумкин. Бу ҳақда TEAMtalk нашри хабар берди.

Манбага кўра, 21 ёшли футболчига «Ливерпуль» жиддий қизиқиш билдирмоқда. «Брайтон» эса ўз футболчисининг трансфер нархини яқинда бозорда амалга ошган йирик битимлардан келиб чиқиб белгиламоқда.

Хусусан, клуб раҳбарияти учун асосий мезон сифатида «Ньюкасл»дан «Барселона»га Энтони Гордоннинг 80 миллион евро эвазига ўтиши кўрсатилмоқда. Шу боис «Брайтон» Янкуба Минте учун тахминан 93 миллион евро атрофида маблағ ишлаб олишни режалаштирган.

Қайд этиш жоизки, Минте Гамбия миллий жамоаси аъзоси ҳисобланади. У терма жамоа сафида 20 та ўйин ўтказиб, 7 та гол муаллифи бўлган.