"Ливерпуль" МЮ ва "Тоттенхэм" жиддий қизиқаётган футболчи бўйича сўров йўллади

"Ливерпуль" клуби "Вест Хэм" ярим ҳимоячиси Матеуш Фернандешни ўз сафига қўшиб олиш имкониятини кўриб чиқмоқда.

Футбол инсайдери Фабрицио Романо хабар беришича, мерсисайдликлар португалиялик футболчини трансфер қилиш шартларини аниқлаш учун "Вест Хэм" раҳбариятига мурожаат қилган. Шунингдек, "Ливерпуль" 21 ёшли ўйинчининг вакиллари билан ҳам алоқа ўрнатган, аммо ҳозирча музокаралар дастлабки савол-жавоблар даражасидан наригига ўтмаган. Ҳозирги пайтда футболчи учун асосий кураш "Манчестер Юнайтед" ва "Тоттенхэм" ўртасида кечаётгани, уларнинг қизиқиши эса анча жиддий экани қайд этилмоқда.

"Вест Хэм" ҳанузгача ўз юлдузи учун 80 миллион фунт стерлинг (деярли 93 миллион евро) талаб қилмоқда. Ҳозирча бу каби юқори миқдорни тўлашга тайёр клуб топилгани йўқ.