"Ливерпуль" афсонаси Мане ва Стерлингни ўзаро таққослади

"Ливерпуль" собиқ футболчиси Грэм Сунесс "Манчестер Сити" форварди Рахим Стерлинг ва "Ливерпуль" форварди Садио Манени ўзаро таққослади.

“Стерлинг топ даражадаги футболчи ҳисобланади. Ҳар қандай жамоа уни ўз сафида кўришни хоҳлайди – “Реал”, “Барселона”, “Бавария”...У Манедан ёшроқ. Уларнинг ўйин услуби бир-бирига ўхшаш ва бир хил даражада. Стерлинг ёшроқ ва шу сабабли мен айнан уни ўз жамоамга олган бўлардим”, - дейди Сунесс.

25 ёшли Стерлинг жорий мавсум 46 та ўйинда ўз ҳисобига 27 та гол ва 8 та голли узатма ёздириб қўйишга эришди.

28 ёшли Мане эса 44 та ўйинда 20 та гол ҳамда 12 та голли узатмага муаллифлик қилди.