Кеча Франциянинг Париж шаҳрида "Барселона" клуби ва Аргентина терма жамоаси ҳужумчиси Лионель Месси "Ливерпуль" ва Голландия термаси ҳимоячиси Виржиль ван Дейкни 7 очкога ортда қолдириб, "Олтин тўп"ни қўлга киритган эди.

Ван Дейкнинг жамоадоши Трент Александр-Арнолд ўзининг Twitter'даги аккаунтида ЕЧЛ 2018/19 мавсумида "Барселона"га қарши баҳсга ишора қилувчи суратни эълон қилди. 

44

"Биз "Барса" билан уйда ўйнаймиз ва бурчак тўпи белгиланади...", - деб ёзади англиялик футболчи.

Эслатиб ўтамиз, ўтган мавсум ярим финалда "Барселона" ўз майдонида "Ливерпул"ни 3:0 ҳисобида мағлуб этган, жавоб баҳсида эса 0:4 ҳисобида мағлуб бўлиб, мусобақа билан хайрлашган эди. Ўша беллашувда Александр-Арнолд томонидан бурчак тўпини кутилмаганда ўйинга киритиши натижасида мезбонлар рақиб дарвозасини ишғол этишга эришган эди.