“Ливерпуль” ҳам араблар қўлига ўтиб кетиши кутилмоқда

“Ливерпуль” хўжайинлари яқинда яхши таклиф бўлса, клубни сотиб юборишга тайёр эканини маълум қилган эди.

Шундан сўнг, Англия премьер-лигасининг қудратли клубини харид қилишга тайёр сармоядорлар сафи кенгая бошлади.

Хусусан, Dubai Holding холдингининг сармоявий бўлими ҳисобланган Dubai International Capital компанияси “Ливерпуль”ни харид қилишга тайёрлигини билдирди. Бу ҳақда Mirror нашри хабар тарқатди.

Клуб савдоси учун араб шайхлари 4,9 миллиар евро сармоя киритишни таклиф қилаётгани айтилмоқда. Бу компания 2007 йилда ҳам “Ливерпуль”ни сотиб олишга  уриниб кўрганди. Ўша пайтда таклиф қилинган 300 миллион евро клуб хўжайини Жон Генри томонидан рад этилган.

Fenway Sports Group раҳбари бўлган Жон Генри 2010 йилда сотиб олган “Ливерпуль”ни 4,6 миллиард еврога баҳоламоқда.