"Ливерпуль" ҳужумчиси "Барса"га ўтади. Агарда ...

Луис Диасга “Ливерпуль” томонидан янги шартнома таклиф қилинмаса, футболчи “Барселона” клубига кўчиб ўтишни хоҳламоқда.

Хабарингиз бор, мерсесайдликлар бир неча ойдан буён Муҳаммад Салоҳ, Вирджил ван Дейк ва Трент Александр-Арнольднинг шартномасини узайтириш бўйича иш олиб бормоқда. Ушбу футболчиларни келаси йилда ҳам жамоада сақлаб қолиш ниятида. Шу сабабли, клуб раҳбарлари бу вазиятга кўпроқ эътибор қаратишмоқда.

The Mirror нашрининг хабарига кўра, колумбиялик ҳужумчининг Англия клуби билан шартномаси 2027 йилгача мўлжалланган бўлсада, футболчи тезроқ янги шартнома олмоқчи. Агарда бу таклиф берилмаса, вингер “кўк-анорранглилар” сафига кўчиб ўтмоқчи эканлигини билдирган.

Маълумот ўрнида, 27 ёшли ўйинчи  бу мавсум 23 та ўйинда майдонга тушиб, 11 та гол ва 3 та ассистни ўз ҳисобига ёздириб қўйган. Унинг Transfermarkt порталидаги нархи 85 миллион евро деб баҳоланмоқда.