“Ливерпуль” Мбаппени “Реал”га ўтмаслиги учун иккита фактни келтирди

“Ливерпуль” Килиан Мбаппе учун жиддий курашмоқда. Юрген Клопп яқинда франциялик футболчи билан боғланиб, уни жамоасига таклиф қилди.

Мбаппе бу чорловни қабул қилмаган бўлса-да, ливерпулликлар уни олиш фикридан қайтгани йўқ.

Мерсисайдликлар Килианга “Реал”дан кўра “Ливерпуль”га ўтишнинг маъқул томонлари борлигига ишонтиришга ҳаракат қиляпти.

Mundo Deportivo нашрининг маълум қилишича, улар бу борада иккита фактни ўртага ташлади. Биринчидан, Англия Премьер-лигаси дунёнинг энг кучли лигаси ҳисобланади.

Қолаверса, “Ливерпуль” раҳбарияти Килиан Мбаппега Садиуя Арабистонига кетиши кутилаётган Муҳаммад Салоҳ ўрнига жамоанинг энг асосий футболчиси мақомини беришга тайёр.