“Ливерпуль”: Муҳаммад Салоҳнинг жавобини бериб Мбаппени оламиз!

“Ливерпуль” жамоаси ПСЖ ҳужумчиси Килиан Мбаппе учун курашга қўшилмоқчи, деб хабар тарқатди The Independent нашри.

23 ёшли футболчининг амалдаги шартномаси 30 июнь куни тугайди. Мбаппенинг ўзи ПСЖда қолишини ҳам, “Реал”га ўтишини ҳам эълон қилгани йўқ.

Юрген Клопп бу ҳужумчининг ўйин услубини ёқтиради ва уни “Ливерпуль”га олиб келмоқчи. “Қизиллар” тез орада Мбаппе учун курашга қўшилишга тайёргарлик кўрмоқда.

Клопп Мбаппе учун Муҳаммад Салоҳ ёки Садио Манедан воз кечишга рози бўлди. Бу африкалик икки ўйинчи бир йилдан кейин якунланадиган битимини узайтиришга кўнмаяпти.