"Ливерпуль" собиқ футболчиси: Вернер МЮ ёки "Челси"га мосроқ

Собиқ футболчи "Sky sports" каналига берган интервьюсида "Ливерпул"нинг асосий трансфер мақсадига тўхталди.

"Тимо жуда ажойиб футболчи ва доимий тарзда ўсиб боряпти. У аллақачон Бундеслигада 20 тадан кўпроқ гол урди. Чемпионлар лигасида ҳам яна дарвозага йўл топди. У энди Европанинг кучли жамоаларида ўйнашга тайёр. Aммо савол шундан иборатки, Вернер "Ливерпул"га қанчалик мос футболчи?

Унинг асосий қуроли тезлик. Бу каби жамоавий футбол намойиш этувчи клубда ушбу ёш иқтидор эгаси офсайдларда қолиб кетиши мумкин. Ундан ташқари, назаримда, Вернер Салоҳ, Мане ва Фирминодан бири жароҳат олиб, ўзига имконият берилишини кутишга мажбур бўлади. У "Челси" ва "Манчестер Юнайтед"га кўпроқ фойда келтира олади", - деди германиялик собиқ футболчи.

Aввалроқ, "Ливерпуль" 23 ёшли ҳужумчи учун "РБ Лейпциг"га 50 млн € таклиф қилгани ҳақида хабарлар чиққанди.