“Ливерпуль”: Улар жамоада қолади!

Liverpool Echo нашрининг хабар беришича, “Ливерпуль” раҳбарияти жамоанинг ҳужум триоси – Муҳаммад Салоҳ, Садио Мане ва Роберто Фирминони сақлаб қолишга қарор қилган.

Учала ҳужумчининг амалдаги шартномаси бир йилдан кейин якунланади. Шу боис клуб мутасаддилари бор эътиборини улар билан ҳамкорликни узайтириш учун янги битим тузишга қаратади.

Жорий чемпионатда Муҳаммад Салоҳ  йигирма иккита, Садио Мане ўн тўрта ва Роберто Фирмино бешта гол муаллифи бўлди.

“Ливерпуль”нинг ўзи чемпионлик учун курашда “Манчестер Сити” билан рақобатни давом эттирмоқда.