"Ливерпуль" ва "Челси" битта футболчи учун курашади

АПЛда мавсум кашфиётларидан бирига айланган Леандро Троссард тез орада жамоасини алмаштириши мумкин.

Хабарларга кўра, бельгиялик футболчига "Челси" қизиқиш билдиряпти. Шунингдек, номзодлар орасида "Ливерпуль" ҳам бор. Катта эҳтимол билан, у Англиянинг ўзида қолади.

"Брайтон" вакили кучлироқ жамоага ўтиб, совринлар учун курашишни ният қилган. Унинг мақсадларига "аристократлар" анча мос тушади. Боз устига, лондонликларни "Брайтон"нинг собиқ мураббийи Грэм Поттер бошқармоқда.

28 ёшли ярим ҳимоячи жорий мавсум Премьер лигада 15 учрашувда майдонга тушди. Бу ўйинларда у ўз ҳисобига 7 гол ва 3 ассистни ёздириб қўйган.