“Ливерпуль” янги трансферни эълон қилди (Фото)

"Ливерпуль" "Фулхэм" ярим ҳимоячиси Фабио Карвалью билан шартнома имзолаганини эълон қилди.

19 ёшли португалиялик янги клуби билан 2027 йилнинг июнь ойи охиригача шартнома имзолади. “Transfermarkt” нашри хабарига кўра, "Ливерпуль" футболчи учун 5,9 миллион евро тўлаган.

Футболчи мерсисайдликлар сафида 28-рақам остида ўйнайди.

Карвалью 2014 йилдан бери "Фулхэм" шарафини ҳимоя қилиб келмоқда. 2021/22 йилги мавсум футболчи лондонликлар сафида 38 та ўйинда қатнашиб,  11 гол ва 8 та голли узатмани амалга оширди.