“Ливерпуль”га кўп гол урадиган ҳужумчи келди

“Зальцбург” ҳужумчиси Пэтсон Дака фаолиятини Англия чемпиони сафида давом эттирадиган бўлди. “Ливерпуль” раҳбарияти бу трансферни ижобий ҳал қилди.

Инглизлар Австрияда ўтказилган йиғин вақтида “Зальцбург” билан ўртоқлик учрашуви ўтказган эди. Ўша ўйинда замбиялик футболчи маҳоратини кўрсатиб, учрашувнинг 2:2 ҳисобида дуранг билан якунланишига катта ҳисса қўшганди. Шундан сўнг, “Ливерпуль” бу ҳужумчини сотиб олишга қарор қилган.

“Зальцбург”нинг асосий ҳужумчиси Эрлинг Холанд “Боруссия”га ўтиб кетгандан кейин австрияликлар таркибида айнан Дака катта саҳнага чиқди. У 31 та учрашувда 24 та гол урди ва олтита голли пас узатди. 21 ёшли ҳужумчининг трансфери учун “Ливерпуль” 20 миллион евро тўлайди.