"Lokomotiv" bosh murabbiyi: "Sekin o‘ynadik, "So‘g‘diyona" yagona imkoniyatdan foydalandi"

“Lokomotiv” klubi Superliganing 12-turida o‘z uyida “So‘g‘diyona”ni qabul qildi va 0:1 hisobida yutqazib qo‘ydi. Mezbonlar ustozi Denis Korostichenko esa mag‘lubiyat haqida gapirdi.

- O‘yin haqida nima deya olasiz?

- Afsuski, yaxshi o‘yin ko‘rsata olmadik, bizga ko‘p narsa etishmadi. Hujumda va tajovuzkorlikda keskinlik bo‘lmadi. Buning ustiga sekin o‘ynadik. “So‘g‘diyona” esa yagona imkoniyatidan foydalandi.

- Kaxi Maxaradzening chetlatilishi sizningcha to‘g‘ri bo‘ldimi?

- Shunday narsalar borki, hakamlar e’tibor bermay, robotlarga o‘xshab qaror qabul qiladilar. Hakamlarning ishini muhokama qilishni istamayman. Menimcha, chetlatilish to‘g‘ri qaror, o‘yin oxirida hakamlar brigadasi yaxshi ishladi.