"Локомотив" бош мураббийи: "Секин ўйнадик, "Сўғдиёна" ягона имкониятдан фойдаланди"

“Локомотив” клуби Суперлиганинг 12-турида ўз уйида “Сўғдиёна”ни қабул қилди ва 0:1 ҳисобида ютқазиб қўйди. Мезбонлар устози Денис Коростиченко эса мағлубият ҳақида гапирди.

- Ўйин ҳақида нима дея оласиз?

- Афсуски, яхши ўйин кўрсата олмадик, бизга кўп нарса етишмади. Ҳужумда ва тажовузкорликда кескинлик бўлмади. Бунинг устига секин ўйнадик. “Сўғдиёна” эса ягона имкониятидан фойдаланди.

- Кахи Махарадзенинг четлатилиши сизнингча тўғри бўлдими?

- Шундай нарсалар борки, ҳакамлар эътибор бермай, роботларга ўхшаб қарор қабул қиладилар. Ҳакамларнинг ишини муҳокама қилишни истамайман. Менимча, четлатилиш тўғри қарор, ўйин охирида ҳакамлар бригадаси яхши ишлади.