"Локомотив" легионери билан орани очиқ қилди

Coca-Cola Суперлигани 8-ўринда якунлаган “Локомотив” энди Ўзбекистон кубогининг 1\8 финалида АГМКга қарши ўйинга тайёргарлик кўрмоқда.

Олган маълумотимизга қараганда, жамоанинг черногориялик ҳимоячиси Славко Дамьянович “Локомотив”ни тарк этган. Бу хабарни клуб матбуот хизмати ҳам тасдиқлади.

У 2 декабрь куни юртига жўнаб кетган. 28 ёшли легионер ушбу мавсумда “Локомотив” сафида 18 та учрашувда майдонга тушди ва тўртта сариқ ҳамда бир бор қизил карточка олгани билан ёдда қолди холос.