"Локомотив" Москва футболчиси "Фиорентина"га кетиши мумкин

Москванинг "Локомотив" клуби ярим ҳимоячиси Алексей Миранчук "Фиорентина"га йўл олиши мумкин.

Италиялик журналист Альфредо Педулланинг маълум қилишича, 24 ёшли россиялик футболчининг хизматларини Флоренция клубига таклиф қилишган.

Миранчук жорий мавсум “Локо” сафида 27 та ўйинда майдонга тушди ва ўз ҳисобига 13 та гол ҳамда 5 та голли узатма ёздириб қўйишга эришди. Унинг трансфер нархи эса 14,5 млн еврога баҳоланмоқда.