"Локомотив"да тўп сурган тожикистонлик ҳужумчи расман клубини ўзгартирди

Ўтган йили Тошкентнинг “Локомотив” шарафини ҳимоя қилган тожикистонлик ҳужумчи Рустам Соиров яқинда Қатардаги Осиё Кубогида Тожикистон миллий терма жамоаси шарафини ҳимоя қилди ва шундан сўнг клубини ўзгартирди.

Бу йил 22 ёшни қаршилайдиган футболчи Тожикистоннинг етакчи клуби – “Истиқлол” клубига қайтди. Бу ҳақида ушбу жамоа матбуот хизмати расман эълон қилди.

“Истиқлол” ва Соиров ўртасидаги шартнома 2025 йилнинг охирига қадар тузилди. У  бунгача ҳам 2020-2022 йиллар давомида “Истиқлол”да тўп сурган ва 46 та учрашувда 26 та гол урган.