"Локомотив"нинг "Ротор"га қарши ўйини нега бекор қилинди?

Айни дамда Туркияда ўқув-машғулот йиғини ўтказаётган Тошкентнинг “Локомотив” клуби ва Волгограднинг "Ротор" клублари ўртасидаги ўртоқлик ўйини Ўзбекистон жамоаси томонидан бекор қилинди.

Гап шундаки, ўртоқлик ўйини ўтказиш таклифи билан чиққан рус клуби “темирйўлчилар”га кийим алмаштириш учун жуда кичик жой ажратган ва натижада бундан қаноатланмаган “Локомотив” ўйинни бекор қилган. Бу ҳақда “Локомотив” ўзининг твиттердаги расмий саҳифасида маълум қилди.

Айтиш керакки, ўйин “Ротор” ижарага олган қароргоҳда ўтказилиши керак эди.