Льорис пенальтидан унумли фойдалана олмаган Кейнни Роналду ва Мессига қиёслади

"Тоттенхэм" клуби ва Франция терма жамоаси дарвозабони Уго Льорис Лондон клубидаги шериги англиялик Харри Кейн ҳақида ўз фикрларини билдириб ўтди. 

"Биз ўйиндан кейин хабар ёзишдик. Унга тўғри гап айтиш осон эмас эди ўша вақтда. 

Менимча, Харри озроқ дам олишга муҳтож эди. Бу Англия терма жамоаси ва Кейн учун қийин дамлар эди. Шунга қарамай, Харри терма жамоаси учун қилган ишидан фахрланса арзийди.

Футбол тарихида барча футболчилар пенальтидан хатога йўл қўйишган. Лионель Месси, Криштиану Роналду ва Килиан Мбаппе каби юлдузлар ҳам шулар қаторида. Кейн бошини тик тутиб, "Тоттенхэм" ва Англия учун жонини бериб ўйнашда давом этиши керак", - деди посбон жамоадоши ҳақида.

Маълумот ўрнида, Харри Кейн Францияга қарши ўйинда икки маротаба пенальти тепиш имконини қўлга киритди. Биринчисида у гол урган бўлса, ҳисобни тенглаштириши мумкин бўлган вазиятда ҳужумчи хатога йўл қўйди.

 

Фикрлар

Фикр қолдириш учун авторизациядан ўтинг!